Dania Dairy

 هلااااو يا جماعة شونكم؟؟؟ شبساع وصلنه لل20 يوم من الحماس ماحسيت بل ايام😍😂 المهم....... هسه صار موعد المدونه ال20😍😍 اني بهذا التحدي اختاريت انو اتعلم اللغة التركية لان احبها واحب تركيا خصيصا فهدفي هو انو اتعلمها بدون ما احتاج اي مدرس او معلم لغة بمجرد مواقع بسيطة و فديوات على اليوتيوب  حته اثبت انو اللغة التركية سهلة و اي واحد يكدر يتعلمها مو شرط الا يذب كومه مصاريف حته يتعلمها والهدف الثاني انو انشر بنهاية التحدي فديو الي واني دا احجي تركي 😍😍... طبعا تعلمت هواااي اشياء خلال هاي ال 20 يوم الفاتت تعلمت اسماء افراد العائلة بلتركي الي هنه هياتهن  واضا تعلمت اسألة مختلفة يعني تعلمت شون اسأل الشخص المقابيل وكتبتهم هنا  و ايضا تعلمت المحادثات المتداولة والي دائما يحجون بيها من واحد هستوه متعلم لغة وهمين كتبتهن وحفظتهن الي هنه ذني  و الصراحة تعلمت كومه اشياء بعد عن الاكلات والمطاعم وصيغ الطلب والاعتذار وغيرها من الاشياء بس متكفي كلها انشرها هنا😂 و كل الي استخدمته بهذا التحدي هو هذا الموقع  جاي اتعلم منه واخذ دروس بي و هذا الموقع نفسه و هذا الموقع الي دا اتفرج منه فديوات ع اليوتيوب يع

 Hepiniz hoşgeldiniz ?nasılsınız arkadaşlar i (شونكم اصدقائي؟) هلااااوو.... شونكم ياحلوين😍 احب تكون مقدمة مدونتي تكون بلغة التركة حته اعبر عن الي تعلمته خلال هاي الفتره كلها . و جااان تمر 3 ايام لخ من هذا التحدي الحلوو😍 خلال هاي ال 3 ايام كمت اسمع اغاني تركية بدون ما اعرف ترجمتها حته اختبر روحي واشوف نفسي اعرف معانيها بدون ما اشوف الترجمة لو لا و الصراحة انصدمت من النتيجة جانت اخطاء بسسسسيطة كلشششش . و بعدني و لله الحمد مستمرة بلفديوات الي دا اتابعها عله اليوتيوب و بعدني مستمرة بلقواعد التركية والملحقات مالتها والضمائر همين وبعدني مستمره بمشاهدة المسلسلات و كتابة الجمل و حفظها و هووااااي تعلمت وحفظت جمل جديده وكلش فرحانة بيهن بحيث كمت امشي بلبيت واحجي بيهن😍😂 و تعلمت الارقام كلها من ال 1 لل 10 ومن ال 10 لل 100 .. و هاي القتاة فادتني كلش بلدراسة: و هذا جزء بسيط من الي تعلمته: اما بلنسبة للرياضه ف الحمدللة مستمره بين يوم ويوم ساعة العب بيها رياضة و اتمرن وتغلبت عله تشنجات جسمي و التعب وكمت اسوي تمارين stretching و ايظا جلسات تأمليه من يكون عندي وقت فراغي.  الهدف من كل دراستي هاي انو ا

 Bloguma hoş geldiniz arkadaşlar اهلا و سهلا بكم يا اصدقائي في مدونتي هاي اول مره بحياتي ادخل بهيج تحدي واستمر ومجنت متوقعه اكمل بي بس الحماس الصار عندي كلش قوي وشفت التنافس بين المتشاركين خلاني اكمل واوصل لليوم العاشر 😍 وان شاء الله اكمل للنهايه .......  صارلي 10 ايام اني بتحدي تعلم اللغة التركية يوميه كمت اقره بمعدل 4 ساعات بليوم هدفي انو اكوم اكتب واقره و احجي بطلاقة و انشر فديو اليه واني احجي تركي 💗 و بما انو مرت 10 ايام خل اسولفلكم عله تقدمي خلال هاي الايام..... التقدم الي حققته لحد الان هو كمت اعرف القواعد كلها مال اللغة التركية وتعلمت اكتب جمل بسيطة عله الاقل و شفت كووومه فديوات اضا عله القواعد من خلال هاي القناة  وهاي القناة الثانية  ... و ايضا كمت اتفرج مسلسلات تركية  واكوم احاول اكتب الجمل الي يكولوها . استخدمت اليوتيوب و هذا التطبيق مال عمو كوكل  و هذا الموقع كلش استفاديت منه. و ذبيت كل جهدي بهذا التحدي لان اريد استفاد اريد اتعلم و اريد اوصل 😍 و هنا بهاي الصوره كمت اتعلم شلون اكتب كم سطر اعرف بي عن نفسي بللغة التركية و الصراحة واجهت شوية صعوبة اثناء الكتابة لان اللغة ا

😍Merhaba Insanlar حبيييت اسلم عليكم هلمره بل لغة التركية الي دا اتعلمها خلال هذا التحدي و هي معناها (مرحبا يا نااااس)   المهم هسه نجي نحجي شسويت خلال هاي ال 3 ايام الفاتت :: 1- شسويتي دانية؟؟   تفرجت عله فديوات تعليمية من خلال اليوتيوب هواي الصراحه علمود اعرف شلون اكون جمل و اتعلم القواعد الي يساتخدموها اثناء الكلام فكمت اي فديو تعليمي عن اللغة جاي اتفرجة وهذه القناة الي اتفرج من عدها : وتعلمت كوومه اشياء جانت فايتتني بهاي اللغة صرت اعرف شنية الضمائر وشنية الافعال وشلون ابدي اكون جملة اذا بلماضي او بلحاضر او المستقبل. هذا من غير المسلسلات الي دا تابعها كل يومية عله موقع سينمانا الي دتفيدني بكومة اشياء والي تخليني وره  كل حلقه احاول اطكطك ويه اهلي واحجي وياهم تركي هههههه....... المسلسلات الي دا اتابعهم هم ( انت اطرق بابي, زهرة الثالوث, منزلي , اشرح ايها البحر الاسود)... 2- شنو ببالج تسوين بعد؟؟ ببالي انو اكوم ابحث عن كتب علميه او ادبية او حته كتب بيها قصص او روايات باللغة التركية حته اوسع مفهومي بلغة و كلش متحمسه انو اوصل لهل مرحله. 3- شنو ضفتي بعد للتحدي؟؟ الصراحة شفت انو عندي وكت فرا

 مرحبااا يا ايها الناس ... حبيت هلمره احجيلكم عن قصتي وية اللغة التركية تحديدا وهي الي اختاريتها بتحدي ال 29 يوم الي سوا مرتضى و هي هاي اللغه الي راح اتحده نفسي بيها واتعلمها خلال هاي ال 29 ...... بلبداية من جنت صغيره بلمتوسطة مجنت اعرف شنو كلماتها هاي اللغه وشلون يحجون لان كل همي جاني الانكليزي وشنو فائده ال is ؟؟ لان بوكتها جنت ماحب الانكليزي ومجنت كلش مركزه بي ابد الى ان صرت صف ثالث متوسط واجت كومه اسباب دفعتني انو اتعلمه واحبه... المهم هسه مو هذا سالفتنه نرجع للغه التركيه وره ما حبيت الانكليزي وضبطته كمت احب اتعلم لغات جديده واقرب لغة الي جانت بذاك الوكت هي اللغة التركية لان جنت هواااااية اباوع مسلسلات تركية كلششش هواي من المسلسلات عدد لا يعد و لا يحصى ... من خلال متابعتي للمسلسلات حبيت تركيا نفسها والاماكن البيها و حبيت ثقافتهم الجميلة و حبيت لغتهم الي اكتشفتها قريبه على لغتنا وانو كلماتها سهلة كلششش فحبيت انو اتعلمها وما اجتني الفرصة انو ادخل دورات حته التعلمها بي صدفه لكيت منشور مرتضى كلت يييييي هاي خوش فرصه اتعلم بيها هاي اللغه... من جنت طفله واني جنت احب اسافر ولحد الان احب اس

 هلاااااو مرحبا بيكم بمدونتي...🤍 اني اسمي دانيه انور عمري 23 سنه عندي هواية تعلم اللغات والتصوير الفوتوغرافي .. خريجة كلية التقنية الادارية/بغداد قسم تقنيات معلوماتية يعني سوالف برمجيات وكذا.. تخرجت سنة 2020  قررت ابدي اضبط لغة الإنكليزي فطبيت معهد كامبردج البريطاني حته اكمل الانكليزي والحمدلله طلعت منه بدرجه excellent وراها قررت اكمل ماجستير لان كلنه نعرف ماكو شغل هنا بلعراق فقررت اكمل دراستي بس بعد ما قدمت ومتحنت التنافسي وما نقبلت صراحه ضجت كلش لان تعبت هواي حسيت تعبي كله راح بس صدفه والدي دزلي البوست مال مرتضى وحبيت المبادره الي هو مسويها  شفت انو اكو فرصه اكدر اطور من روحي واكون انسانه ناجحه فقررت اكمل هوايتي واتعلم لغة جديده وهي اللغه التركية... غير هلشي عدي هواية التصوير الفوتوغرافي اختصاص طبيعه وشارع وهذا حسابي ع الانستكرام انشر بي الصور الاخذها @dania_.it  ..  بس اني اختاريت اللغة التركيه لهذا التحدي اللطيف لان اني كلش احب اللغه التركيه واحسها لغه مهمه مثل الانكليزي والعربي وأيضاً سهله التعلم واتمنى اصير مسيطره عليها... خطتي حتكون ك التالي:  راح ابدي اباوع فديوات ع اليوتيوب و