تحدي ال 29 يوم_ التقرير الثاني
😍Merhaba Insanlar
حبيييت اسلم عليكم هلمره بل لغة التركية الي دا اتعلمها خلال هذا التحدي و هي معناها (مرحبا يا نااااس)
المهم هسه نجي نحجي شسويت خلال هاي ال 3 ايام الفاتت ::
1- شسويتي دانية؟؟
تفرجت عله فديوات تعليمية من خلال اليوتيوب هواي الصراحه علمود اعرف شلون اكون جمل و اتعلم القواعد الي يساتخدموها اثناء الكلام فكمت اي فديو تعليمي عن اللغة جاي اتفرجة وهذه القناة الي اتفرج من عدها :
وتعلمت كوومه اشياء جانت فايتتني بهاي اللغة صرت اعرف شنية الضمائر وشنية الافعال وشلون ابدي اكون جملة اذا بلماضي او بلحاضر او المستقبل.
هذا من غير المسلسلات الي دا تابعها كل يومية عله موقع سينمانا الي دتفيدني بكومة اشياء والي تخليني وره كل حلقه احاول اطكطك ويه اهلي واحجي وياهم تركي هههههه....... المسلسلات الي دا اتابعهم هم ( انت اطرق بابي, زهرة الثالوث, منزلي , اشرح ايها البحر الاسود)...
2- شنو ببالج تسوين بعد؟؟
ببالي انو اكوم ابحث عن كتب علميه او ادبية او حته كتب بيها قصص او روايات باللغة التركية حته اوسع مفهومي بلغة
و كلش متحمسه انو اوصل لهل مرحله.
3- شنو ضفتي بعد للتحدي؟؟
الصراحة شفت انو عندي وكت فراغ الصبحية خاصة فكلت ليش ما استغلها و العب رياضة تره مو بلضروره يكون الواحد سمين حته يلعب رياضة بلعكس الرياضة تساعد على مرونه ولياقة الجسم وكلش مفيده للجسم و تحافظ عله رشاقته.... ف بما انو اني اببببد ما التزم بيها و دائما اتعاجز اسويها كلت اضيفها لهلتحدي حته استمر عليها وبعد ما اعوفها بمعدل ساعه او اقل الساعة كل يوم... ف بلشت البارحة جان اول يوم ابدي رياضة...
و طبعا نزلت تطبيقين للرياضه وال Fitness الي هم ذني
و حبيت اضيف شغلة لخ كلششششش مهمة لنسبة الي........
اني لكوني الوحيدة عند اهلي مع اخ اصغر مني ب 5 سنين نشأت و اني مو اجتماعية يعني شلون يعني الي يحجي وياية اسولف ويا طبيعي وضحك وتصنيف و كذا بس من تخلص المواضيع ما اعرف شنو احجي بعد حته ما اعرف اكون اول من يحجي يعني ماعرف افتح موضوع ويه الاخرين هذا الشي كلش مزعج بلنسبه الي سوووو قررت انو اتعلم شلون احجي ويه العالم من خلال هذا التحدي الي حسيتة فرصه تخليني اختلط ويه ناس اخرين ما اعرفهم وافتح وياهم مواضيع عامة و اسولف وياهم ف من خلال كروب التحدي راح استفاد اكثر ان شاء الله.
4- شنو الهدف الي تردين توصلية بنهاية التحدي؟؟
هنه كومة اهداف صارن الصراحه الاول انو اكوم احجي تركي بطلاقة و بدون اي تردد والثاني انو اتعلم شلون استغل وقتي ب امور تفيدني والهدف الثالث انو اكون اجتماعية بين الناس ...
اعرف كومه طولت بلحجي بس كلش متحمسة للتحدي ولنهايته وللاشياء الي حيضيفها الي هذا التحدي😍😍😍💗
وان شاء الله اني كدها✌
تعليقات
إرسال تعليق