تحدي ال 29 يوم _ التقرير الثالث
Hepiniz hoşgeldiniz
?nasılsınız arkadaşlari
(شونكم اصدقائي؟)
هلااااوو.... شونكم ياحلوين😍 احب تكون مقدمة مدونتي تكون بلغة التركة حته اعبر عن الي تعلمته خلال هاي الفتره كلها .
و جااان تمر 3 ايام لخ من هذا التحدي الحلوو😍 خلال هاي ال 3 ايام كمت اسمع اغاني تركية بدون ما اعرف ترجمتها حته اختبر روحي واشوف نفسي اعرف معانيها بدون ما اشوف الترجمة لو لا و الصراحة انصدمت من النتيجة جانت اخطاء بسسسسيطة كلشششش .
و بعدني و لله الحمد مستمرة بلفديوات الي دا اتابعها عله اليوتيوب و بعدني مستمرة بلقواعد التركية والملحقات مالتها والضمائر همين وبعدني مستمره بمشاهدة المسلسلات و كتابة الجمل و حفظها و هووااااي تعلمت وحفظت جمل جديده وكلش فرحانة بيهن بحيث كمت امشي بلبيت واحجي بيهن😍😂 و تعلمت الارقام كلها من ال 1 لل 10 ومن ال 10 لل 100 ..
و هاي القتاة فادتني كلش بلدراسة:
و هذا جزء بسيط من الي تعلمته:
اما بلنسبة للرياضه ف الحمدللة مستمره بين يوم ويوم ساعة العب بيها رياضة و اتمرن وتغلبت عله تشنجات جسمي و التعب وكمت اسوي تمارين stretching و ايظا جلسات تأمليه من يكون عندي وقت فراغي.
الهدف من كل دراستي هاي انو اثبت احنه مو الا اساتذه و كورسات و مصاريف حته نتعلم لغة الي نحبها نكدر ب ابسط شي نتعلم شي جبير بلنسبة النه ...
و كلش متحمسة لنهاية التحدي و كلش فرحانه و سعيدة بلتقدم الي اني بي هسه😍😍
و ان شاء الله الموفقية للجميع يااارب.💛
تعليقات
إرسال تعليق