Dania Anwer

 هلاااااو مرحبا بيكم بمدونتي...🤍

اني اسمي دانيه انور عمري 23 سنه عندي هواية تعلم اللغات والتصوير الفوتوغرافي ..

خريجة كلية التقنية الادارية/بغداد قسم تقنيات معلوماتية يعني سوالف برمجيات وكذا..

تخرجت سنة 2020  قررت ابدي اضبط لغة الإنكليزي فطبيت معهد كامبردج البريطاني حته اكمل الانكليزي والحمدلله طلعت منه بدرجه excellent وراها قررت اكمل ماجستير لان كلنه نعرف ماكو شغل هنا بلعراق فقررت اكمل دراستي بس بعد ما قدمت ومتحنت التنافسي وما نقبلت صراحه ضجت كلش لان تعبت هواي حسيت تعبي كله راح بس صدفه والدي دزلي البوست مال مرتضى وحبيت المبادره الي هو مسويها  شفت انو اكو فرصه اكدر اطور من روحي واكون انسانه ناجحه فقررت اكمل هوايتي واتعلم لغة جديده وهي اللغه التركية...

غير هلشي عدي هواية التصوير الفوتوغرافي اختصاص طبيعه وشارع وهذا حسابي ع الانستكرام انشر بي الصور الاخذها @dania_.it  .. 

بس اني اختاريت اللغة التركيه لهذا التحدي اللطيف لان اني كلش احب اللغه التركيه واحسها لغه مهمه مثل الانكليزي والعربي وأيضاً سهله التعلم واتمنى اصير مسيطره عليها...

خطتي حتكون ك التالي:

 راح ابدي اباوع فديوات ع اليوتيوب ولمده ساعتين ع الاقل اتعلم اكثر من 20 كلمه بل اظافة الى ذلك راح اباوع مسلسلات تركية لان تفيد بلتعلم ومثل ما هو معروف الحلقه الوحده من المسلسل تساوي ساعتين بل اجمالي حيصير اربع ساعات كل يوميه اتعلم اكثر من 40 كلمه وجمله همين حته اعرف احجي مو بس اعرف معاني كلمات خلال ال 29 يوم الجايه ...

وان شاء الله الله يوفقني ع هذا التحدي واكدر اتعلم  اكبر عدد ممكن الكلمات والجمل🤍