تحدي ال 29 يوم_ اليوم ال20
هلااااو يا جماعة شونكم؟؟؟
شبساع وصلنه لل20 يوم من الحماس ماحسيت بل ايام😍😂
المهم.......
هسه صار موعد المدونه ال20😍😍
اني بهذا التحدي اختاريت انو اتعلم اللغة التركية لان احبها واحب تركيا خصيصا فهدفي هو انو اتعلمها بدون ما احتاج اي مدرس او معلم لغة بمجرد مواقع بسيطة و فديوات على اليوتيوب حته اثبت انو اللغة التركية سهلة و اي واحد يكدر يتعلمها مو شرط الا يذب كومه مصاريف حته يتعلمها والهدف الثاني انو انشر بنهاية التحدي فديو الي واني دا احجي تركي 😍😍...
طبعا تعلمت هواااي اشياء خلال هاي ال 20 يوم الفاتت تعلمت اسماء افراد العائلة بلتركي الي هنه هياتهن
واضا تعلمت اسألة مختلفة يعني تعلمت شون اسأل الشخص المقابيل وكتبتهم هنا
و الصراحة تعلمت كومه اشياء بعد عن الاكلات والمطاعم وصيغ الطلب والاعتذار وغيرها من الاشياء بس متكفي كلها انشرها هنا😂
و كل الي استخدمته بهذا التحدي هو هذا الموقع جاي اتعلم منه واخذ دروس بي وهذا الموقع نفسه وهذا الموقع الي دا اتفرج منه فديوات ع اليوتيوب يعني بين قوسين يا فديو يطلعلي اشوفه😁 هذا من غير المسلسلات التركية الي دا اشوفها الي دتخليني استمتع واني دا اتعلم اللغة 😍😍
بذلت و دا ابذل وراح ابذل جهد كبير واكبر بهذا التحدي حته احقق اهدافي الي اريد اوصلها....
والحمدلله راضيه و فرحانه ع المستوى الي اني بي حاليا ومتونسه لان لحد هسه كدرت احقق جزء كلش واضح من اهدافي و ان شاء الله اكمل للاخير😍😎
و احلى شي تعلمتة بهذا التحدي هو الاعتماد ع النفس و روح المشاركة و تعلمت انو اشجع نفسي واحفزها للاستمار ة حته تكون حياتي مليانه انجازات💚
حسيت بحمااااااااس مو طبيعي وونسه مووو طبيعية واني بهذا التحدي و جاي اتعلم لغة جديدة خاصة فهذا شي كلشششش حلو بلنسبه الي.😍
و مراح اغير اي شي من الخطة مالتي لان كلش فايدتني و الحمدلله لان واثقة بهاي الخطة راح اكدر اوصل لأهدافي...
و اتمنى اكون بهاي ال10 ايام الجايه اعرف احجي بطريقة حلوه وممتازه وما اغلط ابد...
و ماريد اطول عليكم السالفة بس حبيت اكول انو اني ممتنه لكل من:
1- ساعدني و دعمني خلال هاي ال 20 يوم كلهم اصدقاء قريبين ع القلب💚
2- والدي الله بحفظه الي 😍 لان هو الي خلاني ادخل بهيج تحدي لو ما هو مجان وصلت للي اني بي
3- ولكادر التحدي كله لوكفتهم وحرصهم عله المساعده
ووووووو هاهيه.. ان شاء الله الموفقية للجميع💚
تعليقات
إرسال تعليق