مدونة التخرج
هياااااو يا قرائنا الاعزاااء😍😍🤍
هااااااااي اني وهاي اخر مدونه الييي😁😍
هاي اخر مدونه بتحدي ال ٢٩ يوم مادري شون بساع مشت الايام ومحسيت بيها اببد لان كلش تونست....
اول شي اعرفكم عن نفسي واني منو؟؟؟😁
اني دانية انور خريجة تقنيات معلوماتية السنه الفاتت ...
عمري ٢٣ سنه ومن بغداد..
بعد ما تخرجت وكالعاده مالكيت شغل وقدمت عله ماجستير همين ما انقبلت وراح اسمي للواسطات كلش ضججججت وحسيت البيبان انسدت بوجهي حسيت انو مراح اكدر اسوي شي بعد ...
بسسسسسسسسس فجأأأأأه تغير كل شي حرفييييا 😍 شلووووون؟؟؟؟
تعالوووو احجيلكم قصتي شون تغيرت مع هذا التحدي ........
اني بنيه هوايتها تعلم لغات جديده وبسبب المدرسه والكليه مكدرت اتعلم غير اللغة الانكليزية سووو واني جنت داكلب بلنت بعد ما جنت محبطه كليا اجاني مسج من الوالد بي فديو التحدي مال مرتضى 😍😍 ابويه كلي هاج فرصه واني مصدكت كمشتها ب ايدي ورجليناتي 😂😂 الصراحه شفتها خوش فرصه حته اتعلم لغة جديدة واضبطها فختاريت اتعلم اللغة التركيه لان هي الاقرب والاسهل الي اول مابديت تعلمت الاحرف وطريقة لفظهم للاحرف حسيتها صعبه كلشش ومراح ادبرها بس مع ذلك كلت لااا لازم اكمل واتعلم لان اني احبها هاي اللغه ....
وكمت اتعلم شوي شوي كلمات المتداولة العاديه وبعدين كمت اشوف مسلسلات واتعلم من حجيهم اكثر كمت اعرف كلمه ومعناها شنو يوم وره يوم كمت اكتب شكو كلمه اتعلمها حته اتعلم ع الكتابه لان كلششش صعبه الكتابه بلتركي..
والحمدلله بفضل الله والوالد وتشجيعه اليه كدرت اخطو خطوه كلش جبيره بهاي اللغه 💙...
اني بنية هوايتها تتعلم لغات حته تكون متطلعة اكثر عله العالم و عله ثقافات بقية الدول وحته لا اكون مثل الاطرش بلزفه😂😂
بهذا التحدي جان هدفي انو اصور فديو احجي بطلاقة بس لكيت صعوبه بهلشي و شفت نفسي انو احتاج اكثر و اكثر ممارسة للغة حته اكدر احجيها بطلاقة اني خلال هذا التحدي جنت مخصصه تقريبا 4 الى 5 ساعات قرايه والهدف الثاني انو اتعلم بدون ما احتاج الى معلم او كورس تدريسي حته ابين لبقية الناس انو الواحد يكدر يتعلم اي شي هو يريده بدون الحاجه الى دفع مصاريف و تكاليف الكورسات و الحمدلله كدرت احقق هلهدف من خلال تعلمي للكتابة والقراءه معرفة المعاني ...
عن نفسي راح استمر بهاي اللغة و اعدل ع الخطة مالتي و اكمل لحد ما اوصل لهدفي الاول و ان شاء الله راح احققه و وراها حخلي هدف ثاني لغة ثانية اتعلمها😍😍
احب اشكرمرتضى التميمي عله هاي المبادره الحلوه الي سوالنه اياها الي بدونه مجان كدرت اوصل لهاي المرحله الي اني بيها هسه.
و ممتنه من ابويه لان هو الي شجعني ودفعني لهلتحدي.
وممتنة لنفسي لان كدرت اوصل لهلمرحله بدون تعب و ملل.
وهي هاي بداية النهاية😍
بلنسبة الي هسه يلا بده التحدي 😍😎
شكر عظيييم و كبيير من القلب الى القلب💙💙
وااووو حبيت ، عاشت ايدج حبيبتي ، كل التوفيق يارب ، اني هم قدمت ماستر السنه و نجحت بالتنافسي و منقبلت سبحان الله 🙂💔 ف اي جانت فرصة حلوة انو نعوض بشي مفيد و ما نتوقف و لا يصير عدنا احباط ، استمري ❤️❤️
ردحذفيييي خرررب اني هم نجحت بس ما مقسومتلنه هلسنه ان شاء الله عله السنه الجايه نقدم مره لخ ومنستسلم ...
حذفصح و استغلالنه لهلفرصة جان احلى...
اذا تحبين اكو كورسات مجانية لشهرين يسويها الملحق الثقافي للسفارة التركية
ردحذفقبل جان مقرهم بالوزيرية مااعرف هسة وين
يييي والله ياريت اي معلومه تعرفيها استفاد منها🥺
ردحذف