تحدي ال29 يوم - اليوم العاشر

 Bloguma hoş geldiniz arkadaşlar

اهلا و سهلا بكم يا اصدقائي في مدونتي

هاي اول مره بحياتي ادخل بهيج تحدي واستمر ومجنت متوقعه اكمل بي بس الحماس الصار عندي كلش قوي وشفت التنافس بين المتشاركين خلاني اكمل واوصل لليوم العاشر 😍 وان شاء الله اكمل للنهايه ....... 

صارلي 10 ايام اني بتحدي تعلم اللغة التركية يوميه كمت اقره بمعدل 4 ساعات بليوم هدفي انو اكوم اكتب واقره و احجي بطلاقة و انشر فديو اليه واني احجي تركي 💗

و بما انو مرت 10 ايام خل اسولفلكم عله تقدمي خلال هاي الايام.....

التقدم الي حققته لحد الان هو كمت اعرف القواعد كلها مال اللغة التركية وتعلمت اكتب جمل بسيطة عله الاقل و شفت كووومه فديوات اضا عله القواعد من خلال هاي القناة وهاي القناة الثانية ... و ايضا كمت اتفرج مسلسلات تركية  واكوم احاول اكتب الجمل الي يكولوها .

استخدمت اليوتيوب و هذا التطبيق مال عمو كوكل و هذا الموقع كلش استفاديت منه. و ذبيت كل جهدي بهذا التحدي لان اريد استفاد اريد اتعلم و اريد اوصل 😍 و هنا بهاي الصوره كمت اتعلم شلون اكتب كم سطر اعرف بي عن نفسي بللغة التركية

و الصراحة واجهت شوية صعوبة اثناء الكتابة لان اللغة التركية بيها احرف غريبة وتختلف عن اللغة الانكليزيه بس ان شاء الله راح اعبر هاي الصعوبه لان راح ابدي اكتب اكثر واكثر حته ما اخطأ

و ايضا خلال مشاهداتي للمسلسلات التركية كتبت بعض الجمال 😍

كلش راضية للمستوى الاني بي هسه و كلش فخوره بنفسي لان خلال 10 ايام كدرت اوصل لهلمرحلة😍

والي تعلمته من خلال هاي التجربه او هذا التحدي انو اهم شي واحد يكون عنده اصرار و حب للشي الي ديسوي ويحط اهداف بحياتة لو شكد ما يوصل يبقة يحط اهداف جديده وتحاول تحققها..

بل نسبة للخطة الي حاطتها كلشششش فايدتني واصلا دا اضيف عليها بعد لان كلش متونسة للموضوع لان هوايتي اتعلم هاي اللغة

و واثقة انو من خلال هاي الخطة اني راح اكدر اوصل للمستوى الي حاطتة ببالي 💗

و بلخاتمة احب اكول اني ممتنه لهواي شغلات بهذا التحدي:

1- ممتنه من نفسي لان وصلت لهل مرحله بدون مساعدة دورة او استاذ 😁✌.

2- ممتنه من اهلي الي داعميني بهل تحدي ومتحمليني لان ساطرتهم بلبيت كد ما احجي تركي وياهم وهم ميفتهموني😂😂.

3- و ممتنه لمرتضى التميمي عله هيج تحدي حلو ولطيف خلانة نستفاد منه هواي اشياء.

وبسسس والله 😁😂. و ان شاء الله القادم افضل😍💙