تحدي ال 29 يوم_التقرير الاول

 مرحبااا يا ايها الناس ...

حبيت هلمره احجيلكم عن قصتي وية اللغة التركية تحديدا وهي الي اختاريتها بتحدي ال 29 يوم الي سوا مرتضى

و هي هاي اللغه الي راح اتحده نفسي بيها واتعلمها خلال هاي ال 29 ......

بلبداية من جنت صغيره بلمتوسطة مجنت اعرف شنو كلماتها هاي اللغه وشلون يحجون لان كل همي جاني الانكليزي وشنو فائده ال is ؟؟

لان بوكتها جنت ماحب الانكليزي ومجنت كلش مركزه بي ابد الى ان صرت صف ثالث متوسط واجت كومه اسباب دفعتني انو اتعلمه واحبه...

المهم هسه مو هذا سالفتنه نرجع للغه التركيه وره ما حبيت الانكليزي وضبطته كمت احب اتعلم لغات جديده واقرب لغة الي جانت بذاك الوكت هي اللغة التركية لان جنت هواااااية اباوع مسلسلات تركية كلششش هواي من المسلسلات عدد لا يعد و لا يحصى ...

من خلال متابعتي للمسلسلات حبيت تركيا نفسها والاماكن البيها و حبيت ثقافتهم الجميلة و حبيت لغتهم الي اكتشفتها قريبه على لغتنا وانو كلماتها سهلة كلششش فحبيت انو اتعلمها وما اجتني الفرصة انو ادخل دورات حته التعلمها بي صدفه لكيت منشور مرتضى كلت يييييي هاي خوش فرصه اتعلم بيها هاي اللغه...

من جنت طفله واني جنت احب اسافر ولحد الان احب اسافر و اتعلم لغة حته اعرف احجي و حتة مرات جنت اخترع لغة خاصة بيه بس علمود اكدر احجي ومحد يكدر يفتهم عليه هههههههههه 

من يوم الي حبيت هاي اللغه واني تعلمت تقريبا بل 50 كلمه و 10 جمل 

و ايضا من اللغات الي عاجبتني بعد اللغة اليابانية و اللغة الاسبانية

 المهم ماطول عليكم.. 

خلال هاي ال3 ايام بديت بلخطه كمت اباوع فديوات تعليميه حته اعرف اكتب هاي اللغة وكمت اتفرج مسلسل كل يوم حلقة حته اتعلم شلون احجي وكل تحمست اكمل باقي التحدي حسيت بهاي ال3 تقدم كلش حلوو كلش حبيت التحدي وكلش تونست واني داتعلم😍🤍